Општината има грб во форма на отворен круг кој во
внатрешниот дел завршува со отворен квадрат.
Во квадратот има штит во кој се содржани: името Охрид,
Самуиловата тврдина, Охридското Езеро и едрилица.
Грбот на Охрид има златна боја, а основата има темносина
боја.
Пречникот на грбот е една половина од широчината на знамето.
Општината има знаме во темносина боја. Во горната
половина на знамето е грбот на Општината со златна боја.
Односот на широчината и должината на знамето е еден спрема
два.
